الدراسة في مصر وتكلفة المعيشة
في منكم بيفكر يمشي مصر باعتبار انها الأقرب للسودان هنا جمعت ليكم التكلفة بالنسبة لزول عايش في مكان يعتبر ممتاز يعني جنب الجامعة
في البداية خلونا نتكلم عن المواصلات
هنا في مصر الحمدلله في مواصلات كتيرة ومتوفرة للأماكن القريبة من الكلية
وكل ما تبعد منها كل ما بتركب اكتر من مواصلة و بتنتظر أكتر عشان تلاقي التانية
المواصلات هنا أقل من دولار والسعر بحسب المواصلة لو ترام او ميكروباص او ركشة
الشقة وإيجاراتها بتلقى من 125 إلى 300 دولار شهريا غير الكهرباء والموية فالأحسن لو حتأجروا شقة تكونوا مجموعة بحيث أن التكلفة تتقسم بينكم لو مثلا 2 بيسكنوا فشقة ايجار ألفين كل واحد يدفع ألف وبكدا وفرتوا كتير يعني كدا ممكن تدفعوا 75 دولار شامله الكهرباء والموية
الأكل والشرب ما غالي الخضروات والفواكه رخيصة شديد عشان مصر بلد زراعية والكل بيزرع الحاجات التانية زي الزيت والرز والدجاج مابيكلف يعني كدا حوالي 50 دولار للأكل والشرب راح تكفي في الشهر باعتبار انك مابتاكل كتير من برا
بالنسبة للكلية الكويس ان السودانيين بيدفعوا 10% من السعر الأساسي للطلاب الأجانب ( عندهم كمان النظام الدولي والسعر أعلى فيه لكن المناهج هي هي ما بتختلف بس الأعداد والخصم دا للطلبة السودانيين اللي في النظام العادي ما الدولي)
في أول سنة الطلاب بيدفعوا السعر كامل بعدين بيدفعوا نص اللي دفعوه أول سنة في السنوات الجاية حاليا حوالي 600 دولار
بالنسبة للكتب وكدا أي كلية عندها كتب وبسعرها يعني بيختلف بحسب الكلية
لو عايزين أي حاجة اكتبوا لي وراح أرد عليكم ان شاء الله
تعليقات
إرسال تعليق